مهلبية بالجيلي

مهلبية بالجيلي

مقادير المهلبية:
4 ملعقة كبيرة سكر
4 ملعقة كبيرة نشا
4 كوب لبن

مقادير الجيلي:
علبة صغيرة جيلي فراولة
علبة صغيرة جيلي برتقال
2 كوب ماء مغلي

الطريقة


جهّزي الجيلي بالطريقة العادية  بإنك تدوّبي كل نوع 1جيلي في كوب ميه

 وحطّيهم في صينيتين
 ودخّليهم الثلاجة علشان يتماسكوا.
 لتحضير المهلبية، دوّبي السكر في 3 أكواب لبن على نار متوسطة، ودوّبي النشا في كوب اللبن الباقي عندك،
وبعد كده ضيفي خليط اللبن والنشا على خليط اللبن والسكر، وقلّبيهم مع بعض باستخدام ملعقة خشبية،
 لغاية ما اللبن يغلي، ويبدأ قوام المهلبية يتماسك.
 قطّعي الجيلي بألوانه المختلفة على شكل مكعبات، وحطّي نصف كمية الجيلي في كاسات التقديم الشفافة،
 وبعد كده صبّي عليها المهلبية الساخنة، هتلاحظي إن مكعبات الجيلي بدأت تسيح شوية
 لكن مش هتدوب تماما، وبعد كده حطّي الكاسات في الثلاجة علشان المهلبية تتماسك.
 طلّعي الكاسات من الثلاجة، وضيفي عليها مكعبات الجيلي الباقية عندك، وبعد كده قدّميها.
وبالهنا والشفا