كانيلوني منولا من مطبخى

صباح الورد والحب عليكم حبيباتى

 

كانيلوني منولا

المقادير
عجينة الكانيلوني:
1 ونصف كوب دقيق
1 ونصف كوب لبن (حليب)
4 بيض ورشه فلفل
2 ملعقة كبيره زيت
نصف ملعقة صغيرة ملح

الحشو
لحمة معصجة (لحمة مفرومة و بصل و ملح وفلفل
وقليل من السمن او الزيت)
التزيين
صلصة طماطم حوالى 3معالق كبار
ملعقة كبيرة زيت
ملح وفلفل
جبنة مبشورة اى صنف
(رومى /موزاريلا )
انا باستعمل جبنة رومى

الطريقة
لعمل العجينة بخلط جميع المقادير مع بعض جيدا بالخلاط
او ممكن يدوى بايدك بتخلطيهم جامد
وبعدين بتصفيهم بمصفى سلك
ثم ناخذ جزء جزء يقلى فى مقلاة تيفال (غير لاصقة)
عمل اقراص
بقليل من الزبد او السمن
او الزيت بتسخنى المقلايه الاول
وتضعى فيها سمنه ولامعلقة زيت
وتجيبى كبشة صغيرة
وتاخدى من مقدار الخليط اللى عندك

وتفرديه بالمقلايه حتى انتهاء الكمية

نفرد قرص الكاليونى ونضع جزء من العصاج

ونلفة وهكذا حتى انتهاء الاقراص

تصف فى صنية بيركس
او الومنويم اى صينية عندك استعمليها
وتكون مدهونة
ونرص وحدات الكالونى بعد ما وضعنا الحشوة به
ويلف اسطوانى
وناخذ الصلصة اللى عندى بندوبها بنعلقة صغير ماء
وندهن وجه الكالونى ونرش عليه الجبنة الرومى المبشورة
وتدخل الفرن بعد تسخينه الاول حوالى 10 دقائق

ونكون مخلين الفرن ناره هادئه
لما نضع الصينيه

لحد ما الجبنة تذوب لانه اصلا هو مستوى
وده بيبقى طعمه ياه على طعامته
وما بياخد منك وقت وممكن تعمليه فى عزومات
انا متعوده كل بنت من قرايبى اللى لى صلة جامده بيهم
اعمله لها وابعته لها تالت يوم من دخلتها ههه
وعقبال الجميع و ممكن عملة قبل اى عزومة بفترة
و وضعه فى الفريزر
لحين الحاجة اليه يخرج من الصبح من الفريزر
ويدخل الفرن قبل وقت التقديم
لايحتاج لمدة طويلة
وايضا ينفع السيدات العاملات
وفى الحالات المفاجئة من الضيوف
وممكن تعمليه صنف حلو بدل الملح والفلفل
تضعى سكر وفانيليا
وتحشية مربى ولا مكسرات
بس انا باحب احلى الصنف الحادق
وبالف هنا عليكم يا رب جربوه اختكم منولا

منال ابوالعزم